Tuesday, December 6, 2011
Tuesday, November 8, 2011
പെട്രോള്‍ വില വര്ധനവ് ആരെ സഹായിക്കാന്‍ ????????
പെട്രോള്‍ വില പിന്നെയും കൂടി . പതിവ് പോലെ കേരളത്തില്‍ ഒരു വാഹന പണിമുടക്ക്‌( ഹര്‍ത്താല്‍ എന്ന് വേണമെങ്കില്‍ പറയാം ) . പ്രതിപക്ഷത്തിന്റെ പ്രസ്താവന , മുഖ്യ മന്ത്രി കൂടിയ വിലയുടെ നികുതി വേണ്ട എന്ന് വെച്ചു ( നല്ല കാര്യം ) അതോടെ കഴിഞ്ഞു ശുഭം സുന്ദരം. ഇന്ന് മുതല്‍ പുതുക്കിയ വിലയില്‍ പെട്രോള്‍ അടിച്ചു നമുക്ക് ജീവിക്കാം . ( ഓര്‍ക്കേണ്ട മറ്റൊരു കാര്യം പെട്രോള്‍ വാഹനങ്ങള്‍ ഉപയോഗിക്കുന്നവന്‍ എല്ലാം ‘ബൂര്‍ഷ്വാസി’ ആണല്ലോ) .
ഇനി ന്യായം എന്ന് എനിക്ക് തോന്നുന്ന ചില കാര്യങ്ങള്‍ , നിങ്ങള്‍ക്കും ഇതേ അഭിപ്രായം ആണെങ്കില്‍ യോജിക്കാം.
പെട്രോള്‍ വിലയില്‍ 1.8 രൂപ വര്ധനവ് വരുത്തിയ ശേഷം ഇന്ത്യന്‍ ഓയില്‍ കോര്‍പ്പറേഷന്‍ മേധാവി പറയുകയുണ്ടായി “ വേണ്ടി വന്നാല്‍ പെട്രോള്‍ വില ഇനിയും കൂട്ടും “ , ഒന്നു സൂക്ഷിച്ചു വായിച്ചാല്‍ ഇതില്‍ ഒരു ഭീഷണിയുടെ ധ്വനി ഇല്ലേ . ഞങ്ങള്‍ ഇഷ്ടം പോലെ വില കൂട്ടും ഇവിടെ ഒരുത്തനും ചോദിക്കുകയില്ല എന്നൊരു ധ്വനി ആണ് എനിക്ക് ഇതില്‍ നിന്നും മനസിലാക്കാന്‍ കഴിഞ്ഞത് . വില കൂട്ടാനുള്ള അവകാശം എണ്ണ കമ്പനികള്‍ക്ക് കൊടുത്തു കൈ കഴുകിയ ഇന്ത്യന്‍ ഗവണ്മെന്റ് എന്തായാലും ഇനി ഒന്നും ചോദിക്കാന്‍ പോകുന്നില്ല എന്ന് ഈ മാന്യ ദേഹത്തിനറിയാം, ശരിയാണ് വില കൂട്ടാനുള്ള അവകാശം ഇപ്പോള്‍ നിങ്ങളുടെ കയ്യില്‍ തന്നെ ആണുള്ളത് എന്ന് കരുതി എരി തീയില്‍ എണ്ണ ഒഴിക്കുന്ന മാതിരി ഇത്തരം പ്രസ്താവനകള്‍ നടത്തുമ്പോള്‍ ഒന്നാലോചിക്കുക , 120 കോടിയില്‍ പരം വരുന്ന പൊതു ജനം എന്ന ഈ കഴുതകള്‍ എന്നും കഴുതകളായി ഇരിക്കും എന്ന് കരുതരുത്‌ . സുഹൃത്തേ ഇതിലും വലിയ സാമ്രാജ്യങ്ങളും എകാധിപതികളും പൊതുജന പ്രക്ഷോഭങ്ങള്‍ക്ക് മുന്നില്‍ മുട്ട് മടക്കിയിട്ടുണ്ട് .
ഇനി അല്പം പുരാണം , വര്‍ഷങ്ങള്‍ക്കു മുന്‍പ് റിലയന്‍സ്‌ എന്ന കോര്‍പറേറ്റ് ഭീമന്‍ ഇന്ത്യയൊട്ടാകെ പെട്രോള്‍ പമ്പുകള്‍ തുടങ്ങുകയുണ്ടായി , ആഘോഷപൂര്‍വ്വം കൊട്ടിഘോഷിച്ചു തുടങ്ങിയ ആ പമ്പുകള്‍ അധികം വൈകാതെ തന്നെ പെട്രോള്‍ വില്പന നിര്‍ത്തുകയും ഓട്ടോ ഗ്യാസ് മാത്രമായി വില്പന ചുരുക്കുകയും ചെയ്ത കാര്യം നമുക്കെല്ലാവര്‍ക്കും അറിയാം . എന്തുകൊണ്ടായിരുന്നു റിലയന്‍സ്‌ പെട്രോള്‍ , ഡീസല്‍ വില്പന നിര്‍ത്തിയത്‌ ??? ഉത്തരം വളരെ ലളിതം ഇന്ത്യന്‍ ഗവണ്മെന്റ് പൊതുമേഖലാ പെട്രോളിയം കമ്പനികള്‍ക്ക് കൊടുക്കുന്ന സബ്സിഡി റിലയന്‍സിനില്ല എന്നത് തന്നെ . അപ്പോള്‍ പിന്നെ പെട്രോള്‍ നഷ്ടത്തില്‍ വില്‍ക്കേണ്ടി വരും , അതെന്തായാലും ധീരുഭായ്‌ അംബാനിയുടെ മകന് കഴിയില്ല . പിന്നെ ആകെ ഉള്ള പോംവഴി പെട്രോളിയം കമ്പനികള്‍ക്ക് ഗവണ്മെന്റ് നല്‍കിവരുന്ന സബ്സിഡി നിര്ത്തിക്കുക , അടിക്കടി ഉള്ള ഈ വില വര്‍ധനവില്‍ നിന്നും അവരതില്‍ വിജയിച്ചു എന്നെ കരുതാനാവു !!!!!
ഈ ബ്ലോഗില്‍ എഴുതിയിരിക്കുന്നത് തികച്ചും വ്യക്തിപരമായ അഭിപ്രായങ്ങള്‍ ആണ് . ഈ വിവരങ്ങള്‍ സാധാരണക്കാരനായ ഏതു ഇന്ത്യക്കാരനും ഒന്നു മനസ്സിരുത്തി വിലയിരുത്തിയാല്‍ തോന്നും അത് എനിക്കും തോന്നി .
Thursday, November 3, 2011
ബ്ലോഗും ഗൂഗിളും പിന്നെ ആഡ്‌സെന്സും
ഒരു പാട് ത്യഗങ്ങള്‍ക്ക് ശേഷം ഒരു മള്‍ട്ടി നാഷണല്‍ ഐ ടി കമ്പനിയില്‍ ജോലി കിട്ടിയ കാലം . മാസാ മാസം കിട്ടുന്ന അഞ്ചക്ക ശമ്പളം മാസത്തില്‍ നാല് തവണ പോലും ഇടപ്പള്ളി കാര്‍ത്തികയില്‍( ബാറാണ് തെറ്റിദ്ധരിക്കരുത് , എനിക്ക് മറ്റേ ശീലം ഇല്ല) പോകാന്‍ തികയാതെ വന്ന കാലത്താണ് ഒരു സുഹൃത്ത്‌ ( ഇദ്ദേഹം ഇനി വരാന്‍ പോകുന്ന ഒരുപാട് ബ്ലോഗുകളില്‍ കഥാ പാത്രം ആണ് , പേര് ഞാന്‍ മറ്റൊരു പോസ്റ്റില്‍ വെളിപ്പെടുത്താം, തല്ക്കാലം ടിയാന്‍ എന്ന് വിളിക്കാം) എളുപ്പത്തില്‍ പൈസ ഉണ്ടാക്കാനായുള്ള ഒരു ടെക്നിക്കുമായി “ ഗ്രഹണി പിടിച്ചവന്റെ മുന്നില്‍ ചക്ക കൂട്ടാന്‍ “ എന്ന പോലെ പ്രത്യക്ഷപ്പെട്ടത് . അളിയാ കാശു ഒണ്ടാക്കാനുള്ള ഒരു എളുപ്പവഴിയുണ്ട് “ബ്ലോഗിങ്ങ്" . എന്ന് പറഞ്ഞു അവന്‍ ബ്ലോഗ്ഗിങ്ങും ആഡ്‌സെന്‍സ്‌ വഴിയുള്ള വരുമാനവും എല്ലാം വിവരിക്കാന്‍ തുടങ്ങി . ഇത് കണ്ടു “ എല്ലാ ഒന്നാം തീയതിയും വീടുകളില്‍ നേര്ച്ച വെടി പൊട്ടിക്കാന്‍ വരുന്ന വെടിക്കാരനെ നോക്കി പൊട്ടന്‍ മാധവന്‍ ഇരിക്കുന്ന പോലെ ഞാന്‍ ഇരുന്നു “ . പക്ഷെ അവന്‍ വിത്ത്‌ ഡെമോ സംഗതി കാണിച്ചു തന്നപ്പോള്‍ മനസ്സില്‍ ലഡ്ഡു പൊട്ടി. !!!!!!!!!!! ക്ലിക്ക് = ഡോളര്‍ !!!!!!!!!!!!!!!!!! ആഹ എന്ത് മനോഹരം . അപ്പോള്‍ തന്നെ അവനെ കെട്ടിപ്പിടിച്ചു ഒരു ഉമ്മ കൊടുത്തു . പിറ്റേ ദിവസം ഓഫീസില്‍ പോയി പണി തുടങ്ങാം എന്ന് പ്ലാന്‍ ചെയ്തു( അല്ലെങ്കിലും പണ്ടേ അണ്‍പ്രോഡക്റ്റിവായ ഒരു കാര്യവും വീട്ടില്‍ ഇരുന്നു ചെയ്യുന്ന ശീലം എനിക്കില്ല, ഛെ ഛെ മോശം) . പ്ലാന്‍ ഇങ്ങനെ….
സ്റ്റെപ് ഒന്ന് : ബ്ലോഗ്‌ സ്പോട്ടില്‍ ഒരു അക്കൗണ്ട്‌ ഉണ്ടാക്കി എവിടുന്നെങ്കിലും വല്ല ടെക്നോളജി ഇന്‍ഫര്‍മേഷന്‍ കോപ്പി ചെയ്തു ഇടുക , പറ്റാവുന്ന സ്ഥലത്തൊക്കെ ആഡ്സ് കുത്തി നിറയ്ക്കുക .
സ്റ്റെപ് രണ്ട് : എനിക്ക് അവിടെയും ഇവിടെയും തെണ്ടി തിരിഞ്ഞ വകയില്‍ ഉള്ള പത്തിരുനൂറു ഫ്രണ്ടസ് ഉണ്ട് . എല്ലാ അവനും ദിവസവും രാവിലെ ഇതില്‍ ക്ലിക്ക് ചെയ്യു , ഇതില്‍ ക്ലിക്ക് ചെയ്യു എന്നും പറഞ്ഞു മെയില്‍ അയക്കുക.
ഇത്രയും സംഗതി പുട്ടും കടലയും പോലെ നടന്നു.
വൈകിട്ട് റൂമിലെത്തി ഞാനും നമ്മുടെ ടിയാനും കൂടി ഫുള്‍ കാല്‍കുലേഷന്‍സ്
ഒരു ക്ലിക്ക് അര ഡോളര്‍ അപ്പോള്‍ നൂറു ക്ലിക്ക് എത്ര ? കഠിനമായ ഈ സമസ്യക്കുത്തരം ഞങ്ങള്‍ വളരെ കഷ്ട്ടപ്പെട്ട് കണ്ടു പിടിച്ചു .
പിറ്റേന്ന് മുതല്‍ പുഞ്ച വരമ്പിലെ കൊറ്റിയെപ്പോലെ കമ്പ്യൂട്ടറില്‍ കണ്ണും നട്ട് ഇരിപ്പായി . ഉദ്യെശിച്ച അത്ര ക്ലിക്ക് കേറിയില്ലെങ്കിലും ഏതാണ്ട് ഒരു മാസം കൊണ്ട് സംഗതി നൂറു ഡോളര്‍ അടുപ്പിച്ചായി .
അന്ന് തന്നെ എല്ലാ സഹ മുറിയന്‍മാരെയും വിളിച്ചു പാര്‍ട്ടി അന്നൌന്‍സ് ചെയ്തു. ആകെ കൂടി ഒരു ഉത്സവ പ്രതീതി. ഞാനും കേരളത്തിലെ യൂണിയന്‍ കാരെപ്പോലെ നോക്കു കൂലി വാങ്ങാന്‍ തുടങ്ങിയിക്കുന്നു, കണ്ണാടിയില്‍ ഒന്ന് കൂടി സ്വയം നോക്കി തൃപ്തി വരുത്തി .
പക്ഷെ ഒരു രണ്ടു ദിവസം കൂടി കഴിഞ്ഞപ്പോള്‍ ഗൂഗിള്‍ ആഡ്‌സെന്‍സില്‍ കയറാന്‍ നോക്കിയപ്പോള്‍ എന്തോ ഒരു പന്തി കേട് പോലെ അതില്‍ ഇംഗ്ലീഷില്‍ എന്തൊക്കെയോ കല പില എഴുതി വെച്ചിരിക്കുന്നു . ഹും എന്‍റെ പട്ടി വായിക്കും . കുറച്ചു കഴിഞ്ഞു നോക്കാം എന്ന് കരുതി . വൈകിട്ട് വീണ്ടും നോക്കി , ഇത്തവണ കുറച്ചു വായിച്ചു നോക്കി . തല കറങ്ങുന്നത് പോലെ, ഭൂമി കറങ്ങുന്നത് പോലെ , വിശ്വാസം വരാതെ വീണ്ടും വീണ്ടും വായിച്ചു . ആ മെസ്സേജ് ഇങ്ങനെ ആയിരുന്നു.
ലോട്ടറി അടിച്ചിട്ട് ടിക്കറ്റ്‌ കളഞ്ഞു പോയവനെപ്പോലെ വീട്ടില്‍ എത്തിയപ്പോള്‍ ഒരു ചോദ്യം : അളിയാ നിന്റെ പാര്‍ട്ടി എവിടെ കാര്‍ത്തികയില്‍ ആണോ ഹൈവേ ഗാര്‍ഡനില്‍ ആണോ ? . തെറി പറഞ്ഞില്ല ഒന്നും പറഞ്ഞില്ല , നേരെ റൂമില്‍ പോയി ഉറങ്ങി.
അനുബന്ധം : പിറ്റേ ദിവസം അച്ഛനെ വിളിച്ചപ്പോള്‍ അറിയാന്‍ കഴിഞ്ഞു ഗൂഗിള്‍.കോം ഒരു ലെറ്റര്‍ അയച്ചെന്നു . നൂറു ഡോളര്‍ ചെക്ക്‌ ഔട്ട്‌ ചെയ്യാനുള്ള പിന്‍ കോഡ് (പിന്നീട് അറിയാന്‍ കഴിഞ്ഞു സ്ഥിരമായി ഒരേ ഐ പി അഡ്രസില്‍ നിന്നും ക്ലിക്ക് വന്നാല്‍ തിരിച്ചറിയാനുള്ള ടെക്നോളജി ഒക്കെ ഗൂഗിളിന് ഉണ്ടെന്നു . ഗൂഗിള്‍ ആരാ മോന്‍.).
പാവുമ്പക്കാരന്‍
ജോലി – ഏറണാകുളത്ത് ഇന്‍ഫോപാര്‍ക്കില്‍ ഒരു സോഫ്റ്റ്‌വെയര്‍ കമ്പനിയില്‍ ടീം ലീഡ്‌.
ഉദ്യേശ്യം - അനുഭവങ്ങളില്‍ നിന്ന് കണ്ടെടുത്ത നുറുങ്ങു ഫലിതങ്ങള്‍ നിങ്ങളുമായിപങ്കു വെക്കുക.
പ്രചോദനം - ബെര്‍ലിച്ചായന്‍(http://berlytharangal.com/), അരവിന്ദന്‍(http://www.arkjagged.blogspot.com/), ജോയ്‌(http://joy-mon.blogspot.com/) .
ബ്ലോഗിന്‍റെ പേര് - എന്‍റെ സ്വന്തം നാട് (പാവുമ്പ).
Subscribe to:
Posts (Atom)